�������������

سئوگی هاییی

اوجالارا چیخیب سئوگی نی های لادیم

سئوگیلی می تاپیپ کونلومی بار لاسین

ایکی اوره ک بیرله شیب

بیر سئوگی نی های لاسین

بیر بیرنه دویون له نیب

سئوگی لرین پای لاسین

یاشام فوروب ، باعچاسیندا گول اکسین

بیرجه لیک له کول لرینی بجه تسین

یاشام باری یاشاییشا داد وئرر

داد لانارسان یاشامین اکله نر

�������������

تانری ایسته سه

تانری ایسته دی

ایکی چیرپینان کونول

ایکی یالنیز اوره ک

ایلگیله نسین

اوزاقلاردان ، سیم لر ایله

بیگی سایار آرخاسیندا

دویغولار ولکان اولسون

اینام لار پوسکورولسون

اوره کلر یاخینلاشسین

کونول لر بیر بیرین آنسین

تانری ایسته سه

سئوگی دوغول سون

�������������

دالغاسیز دنیز

دنیز قاریشماق دا

دالغالار ساواش ماق دا

من اوستونم ، سه سی گلیر

دالغالار بیرگه کوسدولر

دنیزی تک قویوب گئتدیلر

دنیز دالغاسیز قالدی

یاواش - یاواش اوزونو گوزلردن سالدی

�������������

قیسا ناغیل ( داستان کوتاه ) یازار  آراز تورک

تاکسی چی !

بیر گون بیر گنج اوغلان آداخلیسی ایله ( یئنیجه آداخلامیشدیلار )  گزمک ایچین چیشمیشدیلار ، چوخ گزه رک یورقون - آیفین ائوه دونمک ایسته دیلر ، خیاوان ایراغینا گئدیب دایاندیلار تاکسی یا مینسینلر  ، اورادان گئدن تاکسی لار بعضی لری بونلارا باخیب گئدیردیلر بعضی لری ده ساخلاییب بونلاردان سورور دو : خیردا پولونوز وار ، اونلار دا یوخ دئمک له تاکسی چی قاز لاییب گئدیر دی . چوخ دایانان دان سونرا مجبور قالدیلار بیر تاکسی  نی دربست توتوب ائولرینه دونسونلر .

گنج اوغلان ایلک گونو ایدی آداخلیسی گیله گلمیشدی بیر آز اوتانیردی .

دانیشیب ، دئییب گولندن سونرا شام واختی اولموشدو . شامی نی یئیندن سونرا اوز اوئلرینه دومک ایسته دی ، آداخلیسندان و آداخلیسینین عایله سدن له له لیک لشدیب گوله گوله بونلاردان آیریلدی .

گئجه یاریسیدی ، خیاوانلار بون بوش ، بیر ماشین دا یوخ ایدی ، بیر آز یئریدی ، بیر آن گوردوکی هوا قاریشیب یاغمور یاخماق دادیر ، ایسته آداخلیسی گیله دونوب اونلاردان بیر چه تیر آلسین ، اما اوتاندی ، او آن الینی جیبینه آتیب پول چیخارتسین بو یاسی چئویلدی ، پوللارینی ایتیرمیش دی ، بیر آن بئینی هنگ ائتدی ، بیلمیردی نئیله سین ، اوتوندیغیندن آداخلیسی گیله دونن میر دی ، پولو دا یوخ ایدی ماشینا مینیب ائولرینه دونسون ، بیر آز یئریدی یاغمور دا شیدیرقیلییردی ، جومجولاق سو اولموشدو بیر دن گوردو اوزاقدان بیر ماشین گه لیر سئویندی اوز اوزونه دئدی ماشینا مینیب ائوه چاتاندانسونرا ائودن پول گوتوروب تاکسی چی یا وئره رم ، تاکسی چی بونا یاخینلاشیب ساخلادی ، گنج اوغلان همنکی ایسته دی تاکسی چی یا دئسین کی ائوه دونیب پولونو وئرهجه یم ، تاکسی چی گنج اوغلانی قاباغلاییب شوروشدو خیردا پولون وار ، گنج اوغلان یوخ دییه رک تاکسی چی قازا باسیب اورادان اوزاقلاشدی  .

سایین دوستلار بیلیر سیز کی نیه یه تاکسی چی بونو میندیر مه ییب ؟